इगतपुरीत रेल्वे कर्मचाऱ्याची घरासमोरून अज्ञात चोरट्याने लांबवली मोटारसायकल

(इगतपुरी प्रतिनिधी)

इगतपुरी :- शहरातील रेल्वे क्वार्टर परिसरातून एका अज्ञात चोरट्याने भरदिवसा घरासमोर उभी केलेली ५० हजार रुपये किमतीची दुचाकी चोरून नेल्याची घटना उघडकीस आली आहे. याप्रकरणी इगतपुरी पोलीस ठाण्यात गुन्हा दाखल करण्यात आला आहे.

भरदिवसा चोरीची घटना

मिळालेल्या माहितीनुसार, फिर्यादी भाऊराव निवृत्ती साबळे (वय ५६), जे मध्य रेल्वेमध्ये कर्मचारी आहेत, त्यांनी आपली २०१९ मॉडेलची 'होंडा पॅशन X Pro 110' (क्रमांक MH 15 HA 4739) ही दुचाकी दिनांक २० एप्रिल २०२६ रोजी दुपारी १:३० वाजेच्या सुमारास राहत्या घरासमोर (रेल्वे क्वार्टर, पॉवर हाऊस परिसर) उभी केली होती. अवघ्या १५ मिनिटांच्या कालावधीत, म्हणजे दुपारी १:४५ वाजेपर्यंत, अज्ञात चोरट्याने गाडीच्या हँडलचे लॉक तोडून ती चोरून नेली.शोध घेऊनही न मिळाल्याने पोलिसांत धाव अपघात किंवा चोरीनंतर फिर्यादी यांनी स्वतःच्या पातळीवर दुचाकीचा सर्वत्र शोध घेतला. तसेच काही वैयक्तिक कामानिमित्त ते बाहेरगावी गेल्याने तक्रार देण्यास विलंब झाला.अखेर शोध लागला नसल्याने त्यांनी इगतपुरी पोलीस ठाण्यात फिर्याद दिली.पोलिसांकडून तपास सुरू या चोरीप्रकरणी इगतपुरी पोलिसांनी भारतीय न्याय संहिता (BNS) २०२३ च्या कलम ३०३(२) नुसार अज्ञात चोरट्याविरुद्ध गुन्हा नोंदवला आहे. चोरीला गेलेली दुचाकी काळ्या रंगाची असून तिच्या पेट्रोल टाकीवर राखाडी रंगाचा पट्टा आहे. पोलीस हवालदार डी. ए. खांडरे (ब.नं. ११३०) या प्रकरणाचा अधिक तपास करत आहेत.