ठाणे :- राष्ट्रीय जनगणनेला आजपासून देशव्यापी सुरुवात झाली असून उपमुख्यमंत्री तथा ठाणे जिल्ह्याचे पालकमंत्री एकनाथ शिंदे यांनी स्वगणना करीत ठाणे जिल्ह्यातील जनगणनेचा शुभारंभ केला.या जनगणनेसाठी नागरिकांनी सहकार्य करण्याचे आवाहन उपमुख्यमंत्र्यांनी केले. ठाणे महापालिकेच्या मुख्यालयात झालेल्या या शुभारंभ कार्यक्रमासाठी महापौर शर्मिला पिंप्रोळकर,उपमहापौर कृष्णा पाटील, महापालिका आयुक्त सौरभ राव, जिल्हाधिकारी श्रीकृष्ण पांचाळ, अतिरिक्त आयुक्त संदीप माळवी,जनगणना सहसंचालक रमेश भोसले आदी मान्यवर उपस्थित होते. यावेळी स्व-गणनेसाठी असलेल्या क्यूआर कोडचे अनावरण उपमुख्यमंत्री शिंदे यांच्या हस्ते झाले. त्यांनी टॅबवर हा कोड स्कॅन करून स्व-गणना केली. दिनांक १ ते १५ मे हा स्व-गणनेचा कालावधी असून त्यानंतर १६ मे ते १४ जून याकलावधीत घरोघरी जाऊन जनगणना केली जाणार आहे. यावेळी विकास आणि प्रगती या स्टॉलचे उद्घाटन करण्यात आले.जनगणनामोहिमेसाठी तयार करण्यात आलेल्या सेल्फी पॉइंटचे उद्घाटनदेखील त्यांनी केले. यावेळी उपमुख्यमंत्री एकनाथ शिंदे यांना सहसंचालक भोसले यांच्या हस्ते केंद्रीय गृहमंत्रा...

हिंगोली :- भारताच्या राष्ट्रीय जनगणना प्रक्रियेच्या पहिल्या टप्प्यास आजपासून प्रारंभ होत असून ऑनलाईन स्वगणनेची सुविधाही नागरिकांसाठी उपलब्ध करून देण्यात आली आहे. हिंगोली जिल्ह्यातील प्रत्येक घर, कुटुंब व मूलभूत सुविधा अशी एकूण 34 प्रकारची अचूक नोंद या प्रक्रियेतून होणार असल्याने नागरिकांनी जबाबदारीने सहभागी होत विकास प्रक्रियेला बळ द्यावे,असे आवाहन अन्न व औषध प्रशासन मंत्री तथा जिल्ह्याचे पालकमंत्री नरहरी झिरवाळ यांनी केले आहे. महाराष्ट्र राज्याच्या 67 व्या स्थापना दिनानिमित्त आज हिंगोली येथील संत नामदेव पोलीस कवायत मैदानावर मुख्य शासकीय ध्वजारोहण राज्याचे अन्न व औषध प्रशासन मंत्री तथा हिंगोलीचे पालकमंत्री नरहरी झिरवाळ यांच्या हस्ते झाले. त्यावेळी पालकमंत्री झिरवाळ बोलत होते. यावेळी आमदार तान्हाजी मुटकुळे, जिल्हाधिकारी राहुल गुप्ता,मुख्य कार्यकारी अधिकारी विवेक गायकवाड, पोलीस अधीक्षक नीलभ रोहन,अपर जिल्हाधिकारी महेंद्रकुमार कांबळे,अपर पोलीस अधीक्षक कमलेश मीना, अतिरिक्त मुख्य कार्यकारी अधिकारी सुधीर ठोंबरे, निवासी उपजिल्हाधिकारी अभिमन्यू बोधवड,उपजिल्हाधिकारी (सामान्य) अनिल म...

सिंधुदुर्गनगरी :- राष्ट्रीय जनगणनेला आजपासून महाराष्ट्रात सुरुवात झाली असून मत्स्यव्यवसाय व बंदरे विकास मंत्री तथा सिंधुदुर्ग जिल्ह्याचे पालकमंत्री नितेश राणे यांनी स्वगणना करीत सिंधुदुर्ग जिल्ह्यातील जनगणनेचा शुभारंभ केला. या जनगणनेसाठी नागरिकांनी सहकार्य करण्याचे आवाहन पालकमंत्र्यांनी केले. कणकवली येथील पालकमंत्री यांच्या निवासस्थानी या शुभारंभ कार्यक्रमासाठी तहसीलदार दीक्षांत देशपांडे उपस्थित होते. यावेळी पालकमंत्र्यांनी टॅब वर स्वतःच्या घर गणनेसंबधी असणाऱ्या सर्व ३४ प्रश्नांची उत्तरे स्वतःच भरली. त्यानंतर स्वतःच्या घराची माहिती भरल्यानंतर submit बटन क्लिक केल्यानंतर त्यांचा self enumeration ID तयार झाला. अशा पद्धतीने स्वतःच स्वतःची माहिती भरून पालकमंत्री महोदय यांनी जिल्ह्यातील जनतेला स्वगणना करण्याचे आवाहन देखील केले. दिनांक १ ते १५ मे हा स्वगणनेचा कालावधी असून त्यानंतर १६ मे ते १४ जून या कालावधीत घरोघरी जाऊन प्रगणकांमार्फत जनगणना केली जाणार आहे.

नाशिक :- जिल्हा नियोजन समितीच्या निधीतून शासकीय जिल्हा रुग्णालयात साकारण्यात आलेल्या विस्तारीत जळीत रुग्ण कक्ष टप्पा क्रमांक एक चे लोकार्पण राज्याचे जलसंपदा आणि आपत्ती व्यवस्थापन मंत्री गिरीश महाजन यांच्या हस्ते आज सकाळी करण्यात आले. यावेळी खासदार डॉ. शोभा बच्छाव, महापौर हिमगौरी आडके-आहेर,उपमहापौर विलास शिंदे, विभागीय आयुक्त डॉ.प्रवीण गेडाम, जिल्हाधिकारी आयुष प्रसाद,जिल्हा शल्यचिकित्सक डॉ.सतीश शिंपी,अतिरिक्त जिल्हा शल्य चिकित्सक डॉ.नीलेश पाटील, निवासी वैद्यकीय अधिकारी डॉ.संदीप सूर्यवंशी आदी उपस्थित होते. मंत्री गिरीश महाजन यांनी जिल्हा रुग्णालयातील अत्याधुनिक अति दक्षता विभाग, आपत्कालिन कक्ष व आहार विभागास भेट दिली.यावेळी त्यांनी रुग्णांशी संवाद साधत त्यांची विचारपूस केली. तसेच त्यांना मिळणाऱ्या आहाराविषयी माहिती घेतली.  जिल्हा रुग्णालयातील या अत्याधुनिक जळीत रुग्ण कक्षामुळे गंभीर जळीत रुग्णांना  सुरक्षित, स्वच्छ व उच्च दर्जाची वैद्यकीय सेवा उपलब्ध होण्यास मदत होणार आहे. या मॉड्यूलर जळीत रुग्ण कक्षात संसर्ग नियंत्रणासाठी आवश्यक सामग्री, 5 खाटा, स्वतंत्र...

(प्रतिनिधी समाधान शिरसाठ) नाशिक :- महानगरपालिकेच्या वतीने महाराष्ट्र राज्याच्या ६७ व्या स्थापना दिनानिमित्त महापौर हिमगौरी आडके-आहेर यांच्या हस्ते ध्वजारोहण करण्यात आले.  मनपा मुख्यालय राजीव गांधी भवनच्या प्रांगणात महाराष्ट्र राज्याच्या ६७ व्या स्थापना दिनानिमित्त महापौर हिमगौरी आडके-आहेर यांच्या हस्ते ध्वजारोहण करण्यात आले.यावेळी कार्यक्रमास आयुक्त अमित रंजन,अतिरिक्त आयुक्त प्रदीप चौधरी, पूर्व प्रभाग सभापती मंगला नन्नावरे,पश्चिम प्रभाग सभापती सुरेश पाटील, पंचवटी प्रभाग सभापती रोहिणी पिंगळे, नगरसेविका जागृती गांगुर्डे, नगरसेवक राजेंद्र आहेर, उपायुक्त लक्ष्मीकांत साताळकर,नितीन पवार,अजित निकत,सुवर्णा दखणे,संगीता नांदुरकर,सहाय्यक आयुक्त रमेश बहिरम,मुख्य लेखापरीक्षक बळवंत गायकवाड,शहर अभियंता संजय अग्रवाल,अधीक्षक अभियंता अविनाश धनाईत,रवींद्र धारणकर,मैंद,मिळकत व्यवस्थापक नितीन राऊत,घनकचरा व्यवस्थापन संचालक डॉ.आवेश पलोड,उद्यान अधीक्षक विवेक भदाणे,शिक्षण प्रशासन अधिकारी डॉ.मिता चौधरी,सिटी लिंक मुख्य लेखाधिकारी सुरेखा जाधव,कार्यकारी अभियंता सचिन जाधव,जितेंद्र पाटोळे...

(प्रतिनिधी समाधान शिरसाठ) नाशिक :- ग्रामीण पोलीस दलातील एकूण १२ पोलीस अंमलदारांना  पोलीस महासंचालक, महाराष्ट्र यांचे पदक जाहीर ०१ मे २०२६ महाराष्ट्र दिनाच्या पार्श्वभूमीवर नाशिक ग्रामीण पोलीस दलात प्रशंसनीय आणि गुणवत्तापूर्वक सेवा प्रदान करणाऱ्या एकूण १२ पोलीस अंमलदारांना पोलीस महासंचालक,महाराष्ट्र राज्य यांचे पदक जाहीर झाले आहे. महाराष्ट्र राज्य पोलीस दलातील पोलीस आयुक्तालय, पोलीस अधीक्षक कार्यालय, राज्य गुन्हे अन्वेषण विभाग, गुप्तवार्ता विभाग, दहशतवाद विरोधी पथक, बिनतारी संदेश विभाग, प्रशिक्षण व खास पथके,एसआरपीएफ (SRPF),वाहतूक,महामार्ग,लोहमार्ग अशा विविध पथकांमधील गुणवत्ताधारक पोलीस अधिकारी व अंमलदारांना दरवर्षी पोलीस महासंचालकांचे पदक दिले जाते.गंभीर व क्लिष्ट गुन्ह्यांचा छडा लावणे,गुन्हेगारांना जेरबंद करणे, राष्ट्रीय स्तरावर खेळात प्राविण्य,नैसर्गिक आपत्तीच्या वेळी मदतकार्य,पोलिसांची प्रतिमा उजळ करणे,अशा विविध प्रकारे सतत उल्लेखनीय कामगिरी करणाऱ्या पोलिसांना गुणवत्तेच्या आधारे पोलीस महासंचालकांचे पदक जाहीर करण्यात येते.नाशिक ग्रामीण पोलीस दलातील एकूण १२ ...

India Maharashtra crime news Nashik crime news breaking news latest news विडीओ बघण्यासाठी क्लिक करावे (प्रतिनिधी समाधान शिरसाठ) नाशिक :- वडानेर खाकुर्डी परिसरात अवैध हातभट्टीच्या दारू अड्ड्यांवर स्थानिक गुन्हे शाखेचे छापे नाशिक जिल्ह्यातील अतिदुर्गम भागात डोंगर-दऱ्यांमध्ये तसेच नदी,नाले, पाण्याचे डोह असलेल्या विविध ठिकाणी छुप्यारित्या सुरू असलेल्या हातभट्टीच्या दारू अड्ड्यांवर सत्वर कारवाई करण्यासाठी नाशिक ग्रामीण जिल्हा पोलीस अधीक्षक बाळासाहेब पाटील यांनी पथकाला आदेश दिलेले आहेत.त्यानुसार दि. २९/०४/२०२६ रोजी स्थानिक गुन्हे शाखेचे प्रभारी पोलीस निरीक्षक दत्तात्रय शिंदे यांच्या पथकाने वडानेर खाकुर्डी पोलीस ठाणे हद्दीत काष्टी गावच्या शिवारात मोसम नदीच्या किनारी काटेरी झाडाझुडपांमध्ये अवैधित्या सुरू असलेल्या हातभट्टीच्या दारू अड्ड्यांवर छापे टाकून कारवाई केलेली आहे.सदर छाप्यामध्ये हातभट्टीची गावठी दारू तयार करण्यासाठी लागणारे नवसागर मिश्रित रसायन व साहित्य साधने असा एकूण २,०२,०००/- (दोन लाख दोन हजार) रुपये किमतीचा मुद्देमाल नष्ट करण्यात आला आहे. सदर छापा कारवाईत १) विष्णू अशोक...

नाशिक :-  महानगरपालिकेच्या ६ प्रभाग समिती सभापतीपदाची निवडणुक विभागीय आयुक्त यांचे प्रतिनिधी मा.विभागीय अप्पर आयुक्त अजय मोरे यांच्या अध्यक्षतेखाली मनपा मुख्यालय स्थायी समिती सभागृहात पार पडली असल्याची माहिती नगरसचिव संजय नेरकर यांनी दिली.  या प्रभाग समितीच्या सभापती पदाच्या निवडणुकीसाठी पूर्व विभाग प्रभाग सभापती पदासाठी  १)मंगला प्रकाश नन्नावरे २)अत्तार नाझिया जाकीर  यांनी अर्ज दाखल केले होते त्यात अत्तार नाझिया जाकीर यांनी माघार घेतली असल्याने यामध्ये एकमेव अर्ज शिल्लक राहिल्याने पूर्व प्रभाग सभापती पदी मंगला प्रकाश नन्नावरे या निवडून आल्याची घोषणा विभागीय आयुक्त यांचे प्रतिनिधी विभागीय अप्पर आयुक्त अजय मोरे यांनी केली.  पश्चिम विभाग  १)पाटील सुरेश आण्णाजी पंचवटी विभाग- १) पिंगळे रोहिणी बापूराव नवीन नाशिक विभाग- १)बाळकृष्ण चंद्रभान शिरसाठ  सातपूर विभाग-  १)समाधान नामदेव देवरे  यांचे एकमेव अर्ज असल्याने या विभागातील प्रभाग सभापती म्हणून निवडून आल्याची घोषणा मा.विभागीय आयुक्त यांचे ...

(प्रतिनिधी समाधान शिरसाठ) नाशिक :- महानगरपालिकेच्या शिक्षण विभागातील मनपा शाळा क्रमांक १८, आनंदवली येथील ४० विद्यार्थी व ०६ शिक्षक दि.२९ एप्रिल २०२६ रोजी आयसर सेंटर, पुणे (Indian Institute of Science Education and Research) येथे ज्ञानयात्रा करून आले.नाशिक महानगरपालिका शिक्षण विभाग विद्यार्थ्यांना केवळ पुस्तकी ज्ञानापुरते मर्यादित न ठेवता, त्यांना प्रत्यक्ष अनुभवातून शिकण्याच्या सुवर्णसंधी उपलब्ध करून देत आहे. नुकतेच महानगरपालिकेचे विद्यार्थी इस्रो सायन्स सेंटर, बेंगलोर येथे जाऊन विज्ञानविश्वाचा अनोखा अनुभव घेऊन आले. या प्रेरणादायी प्रवासाची पुढची पायरी म्हणून आता मनपा शाळा क्रमांक १८, आनंदवली येथील तब्बल चाळीस विद्यार्थी व सहा शिक्षक दिनांक २९ एप्रिल २०२६ रोजी आयसर सेंटर, पुणे (Indian Institute of Science Education and Research) येथे ज्ञानयात्रा करून आले. या भेटीदरम्यान विद्यार्थी ‘हँड्स-ऑन’ पद्धतीने विविध वैज्ञानिक प्रयोग स्वतः करून पाहिले. प्रयोगशाळेतील सजीव वातावरणात शास्त्रज्ञ व तज्ञांशी थेट संवाद साधत आपल्या शंकांचे निरसन करण्याची अमूल्य संधी त्यांना लाभली. विज्ञान क्ष...

नाशिक :-  महानगरपालिकेच्या वतीने राष्ट्रसंत तुकडोजी महाराज यांच्या जयंतीचा कार्यक्रम आयोजित करण्यात आला होता.मनपा मुख्यालय,राजीव गांधी भवन,स्वागत कक्ष येथे राष्ट्रसंत तुकडोजी महाराज यांच्या प्रतिमेस महापौर हिमगौरी आहेर - आडके यांच्या हस्ते पुष्पहार अर्पण करण्यात आला.यावेळी कार्यक्रमास उपमहापौर विलास शिंदे,स्थायी समिती सभापती मच्छिंद्र सानप,नगरसेवक सचिन मराठे,उपायुक्त नितीन पवार,उपायुक्त नितीन नेर,सुरक्षा अधिकारी रमेश ताजनपुरे, जनसंपर्क अधिकारी नितीन गंभीरे,मनीषा पाटेकर,मनोज धामणे,जगदीश देशमुख,अजय शिरसाठ,संजय पटेल,नितीन बुवा आदींसह मनपा अधिकारी कर्मचारी या कार्यक्रमास उपस्थित होते.

नाशिक :-  सेवा हक्क दिवसानिमित्त जिल्हाधिकारी आयुष प्रसाद यांनी आज अधिकारी व कर्मचाऱ्यांना सामूहिक शपथ देऊन नागरिकांना वेळेत,पारदर्शक व गुणवत्तापूर्ण सेवा देण्याचा निर्धार व्यक्त केला.जिल्हाधिकारी कार्यलयातील मध्यवर्ती सभागृहात याप्रसंगी आमदार हिरामण खोसकर,जिल्हा परिषदेचे मुख्य कार्यकारी अधिकारी ओमकार पवार,अपर जिल्हाधिकारी हेमांगी पाटील, उपजिल्हाधिकारी कुंदन हिरे,उपजिल्हाधिकारी (सामान्य शाखा) प्रदीप वर्पे,नगरपालिका शाखेचे सह आयुक्त शाम गोसावी यांच्यासह विविध विभागांचे अधिकारी उपस्थित होते. कार्यक्रमादरम्यान जिल्हाधिकारी प्रसाद यांच्या हस्ते अमोल दंडगव्हाळ व राहुल देवरे (जिल्हा प्रकल्प प्रमुख, महा आयटी) यांचा सन 2025-26 या कालावधीत महाराष्ट्र लोकसेवा हक्क अधिनियम 2015 च्या प्रभावी अंमलबजावणीसाठी केलेल्या उत्कृष्ट कार्याबद्दल प्रशस्तीपत्र देऊन गौरव करण्यात आला.

नाशिक :- महानगरपालिकेमार्फत राबविण्यात येत असलेल्या “उन्नत नाशिक अभियान” (स्वच्छ नाशिक | सुंदर नाशिक | हरित नाशिक) या व्यापक व महत्त्वाकांक्षी उपक्रमाच्या अनुषंगाने आज दिनांक २७ एप्रिल २०२६ रोजी नाशिक येथील निसर्ग संवर्धन केंद्र येथे विविध स्वयंसेवी संस्था, सामाजिक संघटना तसेच पर्यावरण क्षेत्रात कार्यरत नागरिकांची सामूहिक बैठक आयोजित करण्यात आली होती. “उन्नत नाशिक अभियान” हे दिनांक २२ एप्रिल २०२६ (वसुंधरा दिन) ते २२ एप्रिल २०३० या कालावधीत राबविण्यात येत असून, शहराचा सर्वांगीण, शाश्वत व नागरिक-केंद्रित विकास साधणे हा या अभियानाचा मुख्य उद्देश आहे. या अभियानांतर्गत रेनवॉटर हार्वेस्टिंग, सार्वजनिक ठिकाणांचे सुशोभीकरण, बांधकाम स्थळ व्यवस्थापन, वृक्षारोपण व संगोपन, Garbage Vulnerable Points (GVP) निर्मूलन, १००% स्त्रोतावर कचरा वर्गीकरण, प्लास्टिकमुक्त क्षेत्र निर्मिती, हरित क्षेत्र वाढ तसेच नागरिक सहभाग वृद्धीकरण यावर विशेष भर देण्यात येत आहे. तसेच, अभियानातील “भूप्रहरी” ही संकल्पना अत्यंत महत्त्वपूर्ण असून, सामाजिक जाणीव व पर्यावरणप्रेम असलेल्या स्वयंसेवकांच्या माध...

नाशिक :-  मृद व जलसंधारण विभागांतर्गत विविध योजनांची कामे प्रशासनामार्फत राबविली जातात. या योजना जलसाठा वाढविण्याबरोबरच शेतकऱ्यांच्या उत्पन्न वाढीसाठीही महत्त्वाच्या आहे. त्यामुळे सर्व संबंधित यंत्रणांनी समन्वयाने काम करून योजनेचे उद्दिष्ट मुदतीत साध्य करावे, अशा सूचना जिल्हाधिकारी आयुष प्रसाद यांनी दिल्या. जिल्हाधिकारी कार्यालयाच्या मध्यवर्ती सभागृहात जलसंधारण विभागाच्या विविध योजनांच्या आढावा बैठकीत जिल्हाधिकारी प्रसाद बोलत होते.यावेळी उपजिल्हाधिकारी सीमा अहिरे, जिल्हा नियोजन अधिकारी विजय शिंदे,जिल्हा जलसंधारण अधिकारी रा.हि.झुरावत,वरिष्ठ भूवैज्ञानिक किरण कांबळे, तंत्र अधिकारी विजय चौधरी,उपविभागीय जलसंधारण अधिकारी राजीव शिंदे,सचिन खंबाईत,जिल्हा जल संधारण अधिकारी (जिल्हा परिषद) रघुनाथ गवळी, सहाय्यक आरोग्य अधिकारी डॉ दीपक लोणे, सहाय्यक वनसंरक्षक (पश्चिम) प्रशांत खैरनार, सहाय्यक वनसंरक्षक (पूर्व) शिवाजी सहाणे यांच्यासह तालुका कृषी अधिकारी व इतर अधिकारी उपस्थित होते. जिल्हाधिकारी प्रसाद म्हणाले की,‘जलयुक्त शिवार 2.0’ अंतर्गत गावनिहाय जलसंधारणाची कामे प्राधान्य...

Breaking news latest news Maharashtra मुंबई  :- मुंबई उच्च न्यायालय यांच्या आदेशाच्या अनुषंगाने शासनाने नियुक्त केलेल्या चौकशी समितीच्या अहवालाच्या आधारे विद्यार्थ्यांची बाजू न्याय्य ठरवत संबंधित महाविद्यालयास विद्यार्थ्यांकडून वसूल केलेले शुल्क सहा टक्के व्याजासह परत करण्याचे निर्देश उच्च व तंत्र शिक्षण मंत्री चंद्रकांतदादा पाटील यांनी दिले आहेत. विद्यार्थी हिताला सर्वोच्च प्राधान्य देत पुणे येथील आय,एल,एस,विधि महाविद्यालय येथे विद्यार्थ्यांकडून करण्यात आलेल्या बेकायदेशीर शुल्क वसुलीप्रकरणी राज्य शासनाने ही भूमिका घेतली आहे. उच्च व तंत्र शिक्षण मंत्री चंद्रकांत पाटील म्हणाले की, पुणे येथील अशासकीय अनुदानित महाविद्यालयात विद्यार्थ्यांकडून अपारदर्शक पद्धतीने व बेकायदेशीर शुल्क आकारणी करण्यात आल्याच्या तक्रारीच्या अनुषंगाने,उच्च न्यायालयाच्या निर्देशानुसार उच्च शिक्षण विभागाने सह संचालक (उच्च शिक्षण) यांच्या अध्यक्षतेखाली त्रिसदस्यीय चौकशी समितीची स्थापना करून सखोल चौकशी केली.या चौकशीअंती सादर करण्यात आलेल्या अहवालानुसार, संबंधित महाविद्यालयाने महाराष्ट्र सार्वजनिक विद्या...

महिलांनी आत्मनिर्भर बनून स्वतःच्या पायावर ठामपणे उभे राहावे, यासाठी केंद्र व राज्य शासन विविध प्रभावी योजना राबवत आहे. या योजनांमधून मुली व महिलांना केवळ मोफत उच्च शिक्षणच नव्हे, तर रोजगाराभिमुख व व्यवसायाभिमुख प्रशिक्षणाचीही व्यापक संधी उपलब्ध करून दिली जात आहे. परिणामी, अनेक महिला आज नोकरी तसेच स्वयंरोजगाराच्या माध्यमातून आर्थिकदृष्ट्या सक्षम होत आहेत. कौशल्य विकास विभागाची पुढाकारपूर्ण योजना कौशल्य विकास, उद्योजकता व रोजगार मार्गदर्शन विभागाच्या वतीने राबविण्यात येणाऱ्या शिल्पकारागीर प्रशिक्षण योजनेत मुली व महिलांसाठी विशेष आरक्षण देण्यात आले आहे. दहावी उत्तीर्ण अथवा अनुत्तीर्ण विद्यार्थिनींनाही या योजनेत प्रवेशाची संधी उपलब्ध आहे. सांगली जिल्ह्यातील शासकीय तसेच खाजगी औद्योगिक प्रशिक्षण संस्थांमार्फत एक व दोन वर्षांचे विविध अभ्यासक्रम राबविले जात आहेत. या योजनेचा लाभ घेत अनेक महिलांनी प्रतिष्ठित नोकऱ्या मिळवल्या असून, काहींनी स्वतःचे उद्योग उभारून यशाची नवी उंची गाठली आहे. अधिक माहितीसाठी जिल्हा व्यवसाय शिक्षण व प्रशिक्षण अधिकारी कार्यालय, सांगली येथे (दूरध्वनी: ०२३३-२३१...

आरोग्य उपकेंद्रापासून जिल्हा रुग्णालयापर्यंत सर्व आरोग्य समित्यांचे पुनरुज्जीवन करावे - सार्वजनिक आरोग्य मंत्री प्रकाश आबिटकर मुबई :- राज्यातील आरोग्य सेवेच्या गुणवत्तेवर देखरेख करण्यासाठी व नागरिकांना उत्तम आरोग्य सेवा उपलब्ध करून देण्यासाठी कार्यरत असलेल्या,रुग्ण कल्याण समिती (RKS), जन आरोग्य समिती (JAS), महिला आरोग्य समिती (MAS),ग्राम आरोग्य पोषण व स्वच्छता समिती (VHNSC) या समित्यांची जबाबदारी महत्वाची आहे.सर्वसामान्य नागरिकांना अधिक चांगली व परिणामकारक आरोग्य सेवा देण्यासाठी यासर्व समित्यांचे पुनरुज्जीवन करण्याचे निर्देश सार्वजनिक आरोग्यमंत्री प्रकाश आबिटकर यांनी या संदर्भात आयोजित बैठकीत दिले. सार्वजनिक आरोग्य विभागाच्यावतीने ग्रामीण आणि शहरी भागातील नागरिकांना विविध योजनांच्या माध्यमातून आरोग्यसेवा दिल्या जातात.या सर्व लोकहिताच्या योजनांची काटेकोर अंमलबजावणी करून नागरिकांना अधिक चांगल्या आरोग्यसेवा उपलब्ध करून देण्यात आरोग्य समित्यांची भूमिका महत्वाची असते. ग्रामीण भागासाठी ‘ग्राम आरोग्य पोषण व स्वच्छता समिती (VHNSC)”व शहरी भागासाठी“महिला आरोग्य समिती (MAS)” कार्यर...

मुख्यमंत्र्यांनी घेतले त्र्यंबकेश्वराचे दर्शन नाशिक, दि. २५:- सिंहस्थ कुंभमेळ्याच्या अनुषंगाने नाशिक आणि त्र्यंबकेश्वर येथे विकास कामे समाधानकारकरितीने होत असून आगामी काळात या कामांना अधिक गती देण्यात येणार असल्याचे मुख्यमंत्री देवेंद्र फडणवीस यांनी सांगितले.मुख्यमंत्री फडणवीस यांनी त्र्यंबकेश्वराचे दर्शन घेऊन पूजा केली.यावेळी राज्याचे अन्न व नागरी पुरवठा मंत्री छगन भुजबळ,जलसंपदा मंत्री राधाकृष्ण विखे पाटील,जलसंपदा मंत्री गिरीश महाजन,आमदार रवींद्र चव्हाण,आमदार हिरामण खोसकर,कुंभमेळा प्राधिकरण आयुक्त शेखर सिंह,जिल्हा पोलीस अधीक्षक बाळासाहेब पाटील,महंत हरिगिरीजी महाराज (जुना आखाडा),महंत रविंद्रपुरीजी महाराज (निरंजनी आखाडा),महंत शंकरानंद (आनंद आखाडा), महंत गिरिजानंद,महंत रामकृष्ण लहवितकर यांच्यासह मंदिर देवस्थानचे विश्वस्त उपस्थित होते. मंदिर देवस्थानच्या वतीने मुख्याधिकारी योगेश जाधव,कैलास घुले,मनोज थेटे यांनी मुख्यमंत्री फडणवीस यांचा सत्कार केला. मुख्यमंत्री फडणवीस म्हणाले, पुढील वर्षी कुंभमेळा होत आहे.त्या अनुषंगाने विविध विकास कामे करण्यात येत आहेत. सिंहस्थ कुंभमेळा जवळ...

नाशिक :- अशोका मेडिकव्हर हॉस्पिटल, नाशिक यांच्या वतीने सामाजिक बांधिलकी जपत वाहतूक पोलिसांसाठी उभारण्यात आलेल्या विशेष ट्रॅफिक पोलीस शेडचे उद्घाटन उत्साहात पार पडले. या उपक्रमाचा मुख्य उद्देश शहरातील वाहतूक पोलिसांना आवश्यक सुविधा उपलब्ध करून देणे तसेच त्यांच्या आरोग्य व सुरक्षिततेची काळजी घेणे हा आहे. या शेडचे उद्घाटन संयुक्त आयुक्त, वाहतूक विभाग मा. अद्विता शिंदे यांच्या हस्ते करण्यात आले. यावेळी मुंबई नाका पोलीस स्टेशनचे पोलीस निरीक्षक (PI) विश्वास पाटील तसेच वाहतूक विभागाचे पत्की साहेब हे देखील उपस्थित होते. या कार्यक्रमाला वाहतूक पोलीस विभागातील अधिकारी,कर्मचारी तसेच अशोका मेडिकव्हर हॉस्पिटलचे प्रतिनिधी मोठ्या संख्येने उपस्थित होते. या उपक्रमांतर्गत सध्या ४ ट्रॅफिक पोलीस शेड युनिट्स शहरातील विविध ठिकाणी उभारण्यात आले आहेत, ज्यामुळे अधिकाधिक वाहतूक पोलिसांना याचा लाभ मिळणार आहे. शहरातील वाढत्या वाहतुकीच्या पार्श्वभूमीवर वाहतूक पोलीस अत्यंत कठीण परिस्थितीत काम करतात. उन्हाचा तडाखा, वाढते प्रदूषण आणि बदलते वातावरण यांचा त्यांच्या आरोग्यावर विपरीत परिणाम होऊ शकतो. या पार्श...

३६ व्या महाराष्ट्र राज्य पोलीस क्रीडा स्पर्धा-२०२६ चा शुभारंभ मुंबई, दि. २४ :- नेहमी कायदा-सुव्यवस्थेसाठी रस्त्यावर खंबीरपणे उभे राहणाऱ्या पोलिसांना आज क्रीडांगणावर खेळाडूंच्या पोशाखात पाहून अभिमान वाटतो. महाराष्ट्र राज्य पोलीस क्रीडा स्पर्धा या खऱ्या अर्थाने महाराष्ट्राच्या ‘महा ऑलिंपिक’ असून, या स्पर्धेतून पोलीस दलाची ताकद, शिस्त आणि क्रीडा कौशल्य जगासमोर यावे, असे प्रतिपादन उपमुख्यमंत्री एकनाथ शिंदे यांनी केले. त्यांच्या प्रमुख उपस्थितीत कलिना येथील सशस्त्र पोलीस मुख्यालयाच्या क्रीडांगणावर ३६ व्या महाराष्ट्र राज्य पोलीस क्रीडा स्पर्धा-२०२६ चा शुभारंभ झाला. राज्यातील विविध जिल्ह्यांतून आलेल्या पोलीस अधिकाऱ्यांच्या आणि कर्मचाऱ्यांच्या उपस्थितीत झालेल्या या समारंभात स्पर्धामध्ये सहभागी पथकांनी शिस्तबद्ध संचलन केले. उपमुख्यमंत्री शिंदे यांच्या हस्ते क्रीडा ज्योत प्रज्वलनाने कार्यक्रमाची सुरुवात झाली. विलेपार्ले येथील पार्लेकर महिला ढोल ताशा पथकाने विशेष सादरीकरण केले. यावेळी कौशल्य, रोजगार, उद्योजकता व नाविन्यता मंत्री मंगलप्रभात लोढा, गृह राज्यमंत्री योगेश कदम, पोलीस महासंच...

नाशिक :- नाशिकच्या उन्नतीसाठी “उन्नत नाशिक अभियान” लोगोचे मुख्यमंत्री यांच्या हस्ते २५ एप्रिल रोजी अनावरण; गटनेते व पर्यावरणप्रेमींची बैठक संपन्न नाशिक महानगरपालिकेमार्फत राबविण्यात येत असलेल्या “उन्नत नाशिक अभियान” (स्वच्छ नाशिक | सुंदर नाशिक | हरित नाशिक) या महत्त्वाकांक्षी उपक्रमाच्या अनुषंगाने,मोहिमेच्या लोगोचे अनावरण हा कार्यक्रमाचा प्रमुख आकर्षण ठरणार आहे.मुख्यमंत्री महोदय यांच्या हस्ते दिनांक २५ एप्रिल २०२६ रोजी या अभियानाच्या लोगोचे भव्य अनावरण करण्यात येणार आहे.या पार्श्वभूमीवर कार्यक्रमाच्या नियोजनाबाबत महापौर हिमगौरी आडके व स्थायी समिती सभापती मच्छिंद्र सानप,अतिरिक्त आयुक्त अमित रंजन यांच्या प्रमुख उपस्थितीत,तसेच सर्व गटनेते व पर्यावरणप्रेमी यांच्या उपस्थितीत बैठक आयोजित करण्यात आली होती.बैठकीमध्ये अभियानाच्या प्रभावी अंमलबजावणीसंदर्भात विविध मुद्द्यांवर सविस्तर चर्चा करण्यात आली.यावेळी भाजप गटनेते श्याम बडोदे, शिवसेना गटनेते अजय बोरस्ते,शिवसेना (उ.बा.ठा.) गटनेते केशव पोरजे,भाजप शहराध्यक्ष सुनील केदार,राष्ट्रवादी काँग्रेस शहराध्यक्ष रंजन ठाकरे,मंत्री गिरीश महाजन ...