मोठी बातमी - राज्य विधिमंडळाचे पावसाळी अधिवेशन २२ जूनपासून मुंबईत!

विधानसभा व विधानपरिषद कामकाज सल्लागार समितीच्या बैठकीत निर्णय

मुंबई :-महाराष्ट्र राज्य विधिमंडळाचे पावसाळी अधिवेशनाची तारीख ठरली असून मुंबईत २२ जून ते १० जुलै २०२६ या कालावधीत होणार आहे. विधानसभा व विधानपरिषद कामकाज सल्लागार समितीच्या बैठकीत हा निर्णय घेण्यात आला.

विधानभवन येथे आयोजित बैठकीत विधानपरिषदेचे सभापती प्रा. राम शिंदे,विधानसभा अध्यक्ष ॲड.राहुल नार्वेकर,मुख्यमंत्री देवेंद्र फडणवीस,उपमुख्यमंत्री एकनाथ शिंदे,उपमुख्यमंत्री सुनेत्रा अजित पवार,विधानसभा उपाध्यक्ष अण्णा बनसोडे,उच्च व तंत्र शिक्षण तसेच संसदीय कार्यमंत्री चंद्रकांत पाटील, अन्न व नागरी पुरवठा मंत्री छगन भुजबळ,यांच्यासह आ.सुधीर मुनगंटीवार,दीपक केसरकर,नाना पटोले,जयंत पाटील,आ.डॉ.नीलम गोऱ्हे,अनिल परब,प्रसाद लाड, हेमंत पाटील,प्रवीण दरेकर,विक्रम काळे,सतेज पाटील,विधिमंडळाचे सचिव जितेंद्र भोळे,तसेच वरिष्ठ अधिकारी यावेळी उपस्थित होते.

बैठकीत पावसाळी अधिवेशनाच्या कामकाजाचे नियोजन आणि कार्यक्रमाबाबत सविस्तर चर्चा करण्यात आली.