ना.रोड परिसरातील विकास कामांचा प्रशासनातर्फे आढावा आयुक्तांसह अधिकारी कर्मचारी उपस्थित

#India Maharashtra #nashik city #NMC #latest news #Kumbh Mela2027 #maharastra #breaking news 

नांदूर–दसक स्मशानभूमी व परिसर विकास कामांचा प्रशासनातर्फे आढावा

(प्रतिनीधी समाधान शिरसाठ)

नाशिक :- आगामी सिंहस्थ कुंभमेळा २०२७ च्या पार्श्वभूमीवर नांदूर–दसक स्मशानभूमी परिसरातील पायाभूत सुविधा अधिक सक्षम करण्यासाठी विविध विकासकामांची प्रत्यक्ष पाहणी करण्यात आली. या पाहणी दरम्यान भाविक व नागरिकांच्या सुरक्षिततेसह मोठ्या प्रमाणातील गर्दी व्यवस्थापनाचा विचार करून नियोजन करण्यात आले आहे.या अंतर्गत स्मशानभूमी क्षेत्राचे रुंदीकरण करण्यात येणार असून,संपूर्ण परिसर अधिक प्रशस्त व सुव्यवस्थित केला जाणार आहे.तसेच,संबंधित प्लॅटफॉर्मचे समतलीकरण करून तो अधिक सक्षम व सुरक्षित करण्यात येईल,ज्यामुळे मोठ्या संख्येने भाविकांना सुलभतेने प्रवेश व वापर करता येईल.परिसरातील पादचारी दळणवळण सुलभ व सुरक्षित व्हावे यासाठी आवश्यक त्या सुधारणा करण्यात येणार असून,गर्दीच्या काळातही सुरळीत व्यवस्थापन सुनिश्चित करण्यावर विशेष भर देण्यात येत आहे.या पाहणी वेळी पोलीस आयुक्त संदीप कर्णिक व पोलीस कर्मचारी, कुंभमेळा प्राधिकरण आयुक्त शेखर सिंह आणि अन्य अधिकारी,महापालिका आयुक्त मनीषा खत्री आणि पालिकेच्या संबंधित विभागाचे अधिकारी व कर्मचारी,सार्वजनिक बांधकाम विभागाचे अधिकारी व कर्मचारी उपस्थित होते.सर्व संबंधित यंत्रणांच्या समन्वयातून निर्धारित वेळेत ही कामे पूर्ण करण्यावर भर देण्यात येणार आहे.सिंहस्थ कुंभमेळा दरम्यान येणाऱ्या कोट्यवधी भाविकांच्या सोयीसाठी व सुरक्षिततेसाठी ही विकासकामे अत्यंत महत्त्वाची असून, प्रशासनाच्या वतीने सर्व तयारी नियोजनबद्ध पद्धतीने करण्यात येत आहे.